ایک  اندھیرے  جنگل  میں  جامن  کے  پیڑ پر دو چڑیاں  رہا کرتی تھیں  ۔ان کی دوستی پورے جنگل میں مشہور  تھی۔  ان چڑیوں میں بڑی خوش مزاج اور سلجھی  ہوئی جب کہ  چھوٹی انتہائی  شریر تھی  ۔جنگل میں  سب  یہ  کہتے تھے  کہ ان کی دوستی  بڑی چڑیا  کی وجہ سے نبھ  رہی ہے۔ جنگل کے سبھی جانور  بڑی چڑیا  سے خوش  جب کہ  چھوٹی چڑیا  کی شرارتوں  سے نالا ں رہتے۔   چھوٹی چڑیا کبھی  کسی پرندے   کے گھونسلے  کا تنکا  چرا لیتی  تو کبھی کسی پرندے کے انڈے،  کبھی کسی جانور کی خوراک لے کر  درخت  پر جا پہنچتی ،غرض چھوٹی چڑیا  کا کام  ہی لوگوں کو ستانا  تھا  ، اس میں برعکس  بڑی چڑیا  کے تعلقات  بہت اچھے تھے ۔

دونوں  چڑیاں  روزانہ  صبح سویرے  الله کی تسبیح  کرتی  ہوئی  دانہ چگنے نکلتی  اور شام  ڈھلے  گھر کو پہنچتی۔

ایک  دن جب  دونوں چڑیاں  گھر  کو پہنچیں  تو دیکھا کہ  ان کا گھر تباہ ہو چکا ہے  نہ صرف ان کا گھونسلا  تباہ ہو چکا  ہے  بلکہ  پورا جامن کا درخت  ہی گرا پڑا ہے۔  اب دن  بھر  کی تھکی ہاری  چڑیاں  نیند  کے لیے بے چین  ہونے لگیں ۔

بڑی چڑیا نے پڑوس کی فاختہ  سے مدد مانگی  تو فاختہ بولی  کہ  بڑی چڑیا  تم تو  آ  کے  میرے گھر رہ لو  مگر  چھو ٹی چڑیا  نے میرے  انڈے توڑے  تھے  جس کی  وجہ  میں بہت دکھی ہوں  تبھی  میں چھوٹی  کو اپنے گھر  رہنے کی اجازت  نہیں  دے سکتی  ۔

اب چھوٹی  چڑیا  بہت پریشان  ہوئی  اور رو رو کر فاختہ  سے معافی مانگنے لگی  ،جس پر فاختہ نے  اسے اپنے گھر رہنے کی اجازت  دے دی۔  بڑی  چڑیا  نے چھوٹی چڑیا  کو سمجھایا  کہ تم نے اپنی شرارتوں  سے سب  کے دل دکھائے  ہیں  ۔

چھوٹی  چڑیا نے سب سے معافی مانگی  اور الله سے  توبہ کی  پھر اس دن  کے بعد سے  جنگل  والوں نے  چھوٹی چڑیا  کو شرارتیں کرتے نہیں  دیکھا  ۔ 

{rsform 7}