ﺩﻓﺘﺮ ﮐﮯ ﭘﯽ ﺍﮮ ﻧﮯ ﺍﻃﻼﻉ ﺩﯼ ﮐﮧ ﮐﻮﺋﯽ ﺻﺎﺣﺐ ﺍٓﭖ ﺳﮯ ﻣﻠﻨﺎ ﭼﺎﮨﺘﮯ ﮨﯿﮟ ﺍﻥ ﮐﮯ ﺳﺎﺗﮫ ﺍﻥ ﮐﯽ ﺍﮨﻠﯿﮧ ﺑﮭﯽ ﮨﯿﮟ۔ ﻣﯿﮟ ﻧﮯ ﺑﻼﻟﯿﺎ۔ﻣﻼﻗﺎﺗﯽ ﺍﯾﮏ ﺭﯾﭩﺎﺋﺮﮈ ﺳﺮﮐﺎﺭﯼ ﻣﻼﺯﻡ ﺗﮭﮯ۔ ﻣﯿﮟ ﻧﮯ ﭘﻮﭼﮭﺎ ﺗﻮﮐﮩﻨﮯ ﻟﮕﮯ ’’ ﮨﻤﺎﺭﺍ ﺑﯿﭩﺎ ﺳﯽ ﺍﯾﺲ ﺍﯾﺲ ﮐﺮﮐﮯ ﺍﻧﻔﺎﺭﻣﯿﺸﻦ ﺳﺮﻭﺱ ﻣﯿﮟ ﺍٓﯾﺎ ﺗﻮ ﮨﻤﯿﮟ ﺍﺱ ﺳﮯ ﺑﮩﺖ ﺍﻣﯿﺪﯾﮟ ﺗﮭﯿﮟ ﮐﮧ ﺍﺏ ﮨﻢ ﺩﻭﻧﻮﮞ ﻣﯿﺎﮞ ﺑﯿﻮﯼ ﮐﺎ ﺑﮍﮬﺎﭘﺎ ﺍٓﺭﺍﻡ ﺳﮯ ﮔﺰﺭﺟﺎﺋﯿﮕﺎ،ﮨﻢ ﺍﭘﻨﮯ ﺑﯿﭩﮯ ﮐﮯ ﭘﺎﺱ ﺭﮨﻨﮯ ﮐﮯ ﻟﯿﮯ ﮐﺮﺍﭼﯽ ﻣﯿﮟ ﺍﭘﻨﺎ ﻓﻠﯿﭧ ﺑﯿﭻ ﮐﺮ ﺭﺍﻭﻟﭙﻨﮉﯼ ﺍٓﮔﺌﮯ ﺗﮭﮯ۔
ﻭﮦ ﭼﻨﺪ ﺭﻭﺯ ﭘﮩﻠﮯ ﺍٓﭖ ﮐﮯ ﺍﺩﺍﺭﮮ ﻣﯿﮟ ﮈﯾﭙﻮﭨﯿﺸﻦ ﭘﺮ ﺍٓﯾﺎ ﮨﮯ ﻣﮕﺮ ﺍٓﭖ ﻧﮯ ﺍﺱ ﮐﺎ ﺗﺒﺎﺩﻟﮧ ﻻﮨﻮﺭ ﮐﺮﺩﯾﺎ ﮨﮯ ﻭﮦ ﻻﮨﻮﺭ ﭼﻼ ﮔﯿﺎ ﺗﻮ ﮨﻢ ﯾﮩﺎﮞ ﮐﺲ ﮐﮯ ﭘﺎﺱ ﺭﮨﯿﮟ ﮔﮯ؟ ﻟﮕﺘﺎ ﮨﮯ ﻭﮦ ﺑﯿﻮﯼ ﮐﮯ ﮐﮩﻨﮯ ﭘﺮ ﺍﭘﻨﯽ ﻣﺎﮞ ﮐﻮ ﺑﮭﻮﻝ ﮔﯿﺎ ﮨﮯ، ﺍﺱ ﮐﯽ ﻣﺎﮞ ﺑﮩﺖ ﭘﺮﯾﺸﺎﻥ ﮨﮯ ‘‘ ۔ ﺍﺏ ﻣﺠﮭﮯ ﺳﺎﺭﯼ ﺑﺎﺕ ﺳﻤﺠﮫ ﻣﯿﮟ ﺍٓﮔﺌﯽ ﭼﻨﺪ ﺭﻭﺯ ﭘﮩﻠﮯ ﮨﯽ ﺍﯾﮏ ﻧﻮﺟﻮﺍﻥ ﺍﻓﺴﺮ ﮨﻤﺎﺭﮮ ﭘﺎﺱ ﺍٓﯾﺎ ﺗﮭﺎ ﺍﻭﺭ ﻣﯿﮟ ﻧﮯ ﺍﺱ ﺑﻨﺎﺀ ﭘﺮ ﺍﺱ ﮐﯽ ﻻﮨﻮﺭ ﺗﻌﯿﻨﺎﺗﯽ ﮐﯽ ﺗﮭﯽ ﮐﮧ ﺍﺱ ﮐﮯ ﺑﻘﻮﻝ ﻭﮦ ﺍﭘﻨﮯ ﻭﺍﻟﺪﯾﻦ ﮐﻮ ﺑﮭﯽ ﺍﭘﻨﮯ ﺳﺎﺗﮫ ﺭﮐﮭﻨﺎ ﭼﺎﮨﺘﺎ ﮨﮯ۔
ﺍﺏ ﻣﯿﮟ ﺷﺎﮦ ﺻﺎﺣﺐ ( ﻣﻼﻗﺎﺗﯽ ) ﮐﯽ ﺍﮨﻠﯿﮧ ﺳﮯ ﻣﺨﺎﻃﺐ ﮨﻮﺍ ﮐﮧ ﺍٓﭖ ﺑﺘﺎﺋﯿﮟ ﺍٓﭖ ﮐﯿﺎ ﭼﺎﮨﺘﯽ ﮨﯿﮟ؟ ﺍﻧﮭﻮﮞ ﻧﮯ ﮐﮩﺎ ’’ ﻣﯿﮟ ﭼﺎﮨﺘﯽ ﮨﻮﮞﺎﺳﮯ ﻻﮨﻮﺭ ﮐﮯ ﺑﺠﺎﺋﮯ ﺍﺳﻼﻡ ﺍٓﺑﺎﺩ ﻣﯿﮟ ﮨﯽ ﺭﮐﮭﯿﮟ ‘‘ ۔ ﻣﯿﮟ ﻧﮯ ﮐﮩﺎ ’’ ﭨﮭﯿﮏ ﮨﮯ ﮨﻢ ﺍٓﭘﮑﯽ ﺳﮩﻮﻟﺖ ﮐﮯ ﻟﯿﮯ ﺍﺳﮯ ﻭﺍﭘﺲ ﺍﺳﻼﻡ ﺍٓﺑﺎﺩ ﺗﻌﯿﻨﺎﺕ ﮐﺮﺩﯾﮟ ﮔﮯ۔ ﻣﮕﺮ ﻣﯿﺮﮮ ﺳﺎﺗﮫ ﻭﻋﺪﮦ ﮐﺮﯾﮟ ﮐﮧ ﺑﯿﭩﮯ ﮐﮯ ﺗﺒﺎﺩﻟﮯ ﮐﮯ ﺑﺎﺭﮮ ﻣﯿﮟ ﺍٓﭖ ﺩﻭﺑﺎﺭﮦ ﺳﻔﺎﺭﺵ ﻧﮩﯿﮟ ﮐﺮﯾﮟ ﮔﯽ ۔ ﻣﻼﺯﻣﻮﮞ ﮐﮯ ﺑﺎﺭﺑﺎﺭ ﺗﺒﺎﺩﻟﮯ ﻧﮩﯿﮟ ﮐﯿﮯ ﺟﺎﺳﮑﺘﮯ۔
ﻭﺍﻟﺪﯾﻦ ﮐﺎ ﺑﯿﭩﮯ ﭘﺮ ﺣﻖ ﻣﺴﻠّﻤﮧ ﮨﮯ ﺍﺱ ﻟﯿﮯ ﺍﯾﮏ ﺑﺎﺭ ﻣﯿﮟ ﺍٓﭘﮑﯽ ﺑﺎﺕ ﻣﺎﻥ ﻟﯿﺘﺎ ﮨﻮﮞﻠﯿﮑﻦ ﯾﮧ ﺻﺮﻑ ﺍﯾﮏ ﺑﺎﺭ ﮨﯽ ﮨﻮﮔﺎ ‘‘ ﺩﻭﻧﻮﮞ ﻧﮯ ﺑﯿﮏ ﺯﺑﺎﻥ ﮐﮩﺎ ’’ ﺑﺲ ﺍٓﭖ ﺍﯾﮏ ﺑﺎﺭ ﮐﺮﺩﯾﮟ ﮨﻢ ﺍٓﺋﯿﻨﺪﮦ ﺍﺱ ﮐﮯ ﺗﺒﺎﺩﻟﮯ ﮐﮯ ﺑﺎﺭﮮ ﻣﯿﮟ ﺍٓﭘﮑﻮﺑﺎﻟﮑﻞ ﻧﮩﯿﮟ ﮐﮩﯿﮟ ﮔﮯ ‘‘ ۔ ﻣﯿﮟ ﻧﮯ ﺍﻥ ﮐﯽ ﺑﺎﺕ ﻣﺎﻥ ﻟﯽ ﺍﻭﺭ ﻭﮦ ﺷﮑﺮﯾﮧ ﺍﺩﺍ ﮐﺮﮐﮯ ﭼﻠﮯ ﮔﺌﮯ۔ ﺩﻭﺳﺮﮮ ﺭﻭﺯ ﻣﯿﮟ ﺩﻓﺘﺮ ﭘﮩﻨﭽﺎ ﺗﻮ ﭘﯽ ﺍﮮ ﻧﮯ ﺑﺘﺎﯾﺎﮐﮧ ﺟﺲ ﺍﻓﺴﺮ ﮐﺎ ﺗﺒﺎﺩﻟﮧ ﻭﺍﭘﺲ ﺍﺳﻼﻡ ﺍٓﺑﺎﺩ ﮨﻮﺍ ﮨﮯ ﺍﺱ ﮐﯽ ﻭﺍﻟﺪﮦ ﮐﮯ ﭼﺎﺭ ﭘﺎﻧﭻ ﻓﻮﻥ ﺍٓﭼﮑﮯ ﮨﯿﮞﻮﮦ ﺑﯿﭩﮯ ﮐﮯ ﺗﺒﺎﺩﻟﮯ ﮐﮯ ﺑﺎﺭﮮ ﻣﯿﮟ … ﻣﯿﮟ ﻧﮯ ﺳﺨﺘﯽ ﺳﮯ ﮐﮩﺎ ﺍﻧﮭﻮﮞ ﻧﮯ ﻣﺠﮫ ﺳﮯ ﮐﻤﭩﻤﻨﭧ ﮐﯽ ﺗﮭﯽ ﮐﮧ ﺍﺏ ﻭﮦ ﺗﺒﺎﺩﻟﮯ ﮐﮯ ﺑﺎﺭﮮ ﻣﯿﮟ ﮐﻮﺋﯽ ﺑﺎﺕ ﻧﮩﯿﮟ ﮐﺮﯾﮟ ﮔﯽ ﺍﺱ ﻟﯿﮯ ﺍﻥ ﺳﮯ ﻓﻮﻥ ﻣﻼﻧﮯ ﮐﯽ ﺿﺮﻭﺭﺕ ﻧﮩﯿﮟ۔ ﻣﮕﺮﺟﺐ ﮐﭽﮫ ﺩﯾﺮ ﺑﻌﺪ ﭘﯽ ﺍﮮ ﻧﮯ ﺑﺘﺎﯾﺎ ﮐﮧ ﺧﺎﺗﻮﻥ ﺧﻮﺩ ﺍٓﮔﺌﯽ ﮨﯿﮟ ﺍﻭﺭ ﻭﮦ ﺍٓﭖ ﺳﮯ ﺿﺮﻭﺭﯼ ﻣﻠﻨﺎ ﭼﺎﮨﺘﯽ ﮨﯿﮟ، ﺗﻮ ﻣﯿﮟ ﺍﻧﮑﺎﺭ ﻧﮧ ﮐﺮﺳﮑﺎ ﻣﮕﺮ ﺧﺎﺗﻮﻥ ﮐﮯ ﺍٓﺗﮯ ﮨﯽ ﻣﯿﮟ ﻧﮯ ﺍﻧﮭﯿﮟ ﺍﺩﺍﺭﻭﮞ ﻣﯿﮟ ﻣﯿﺮﭦ ﺍﻭﺭ ﮈﺳﭙﻠﻦ ﭘﺮﻟﯿﮑﭽﺮ ﺩﯾﻨﺎ ﺷﺮﻭﻉ ﮐﺮﺩﯾﺎ۔ ﻣﯿﺮﺍ ﭘُﺮﺟﻮﺵ ﻟﯿﮑﭽﺮ ﺳﻨﻨﮯ ﮐﮯ ﺑﻌﺪ ﮐﮩﻨﮯ ﻟﮕﯿﮟ۔
’’ ﺩﯾﮑﮭﯿﮟ ﺟﯽ، ﻣﯿﺮﺍ ﺑﯿﭩﺎ ﭘﺮﯾﺸﺎﻥ ﮨﮯ ﺍﻭﺭ ﻣﯿﮟ ﺍﺱ ﮐﯽ ﭘﺮﯾﺸﺎﻧﯽ ﻧﮩﯿﮟ ﺩﯾﮑﮫ ﺳﮑﺘﯽ ﺍٓﭖ ﺍُﺳﮯ ﻻﮨﻮﺭ ﮨﯽ ﺭﮨﻨﮯ ﺩﯾﮟ ‘‘ ۔ ﻣﯿﮟ ﻧﮯ ﮐﮩﺎ ’’ ﺍٓﭖ ﻧﮯ ﺗﻮ ﻭﻋﺪﮦ ﮐﯿﺎ ﺗﮭﺎ ‘‘ ۔ ﮐﮩﻨﮯ ﻟﮕﯿﮟ ’’ ﻭﻋﺪﮦ ﺩﯾﮑﮭﻮﮞ ﯾﺎ ﺑﯿﭩﮯ ﮐﯽ ﭘﺮﯾﺸﺎﻧﯽ ﺩﯾﮑﮭﻮﮞ، ﺑﯿﭩﮯ ﮐﯽ ﺧﻮﺷﯽ ﮐﮯ ﻟﯿﮯ ﺗﻮ ﻣﺎﮞ ﻭﻋﺪﮮ،ﻗﺴُﻤﯿﮟ ﺳﺐ ﮐﭽﮫ ﺗﻮﮌ ﺳﮑﺘﯽ ﮨﮯ ﺣﺘﯽٰ ﮐﮧ ﺍﭘﻨﮯ ﺍٓﭖ ﮐﻮ ﺑﮭﯽ ﺗﻮﮌ ﮈﺍﻟﺘﯽ ﮨﮯ۔ ﺍٓﭘﮑﯽ ﻣﮩﺮﺑﺎﻧﯽ ﻣﯿﺮﮮ ﺑﯿﭩﮯ ﮐﻮ ﻭﺍﭘﺲ ﻻﮨﻮﺭ ﺑﮭﯿﺞ ﺩﯾﮟ ﻭﮦ ﺑﮩﺖ ﭘﺮﯾﺸﺎﻥ ﮨﮯ ‘‘ ۔ ﻣﯿﮟ ﻧﮯ ﮐﮩﺎ ” ﻣﮕﺮﺍٓﭖ ﮐﻮﮨﻤﺎﺭﮮ ﺍﺩﺍﺭﮮ ﮐﺎ ﺑﮭﯽ ﺧﯿﺎﻝ … ﮐﮩﻨﮯ ﻟﮕﯿﮟ ’’ ﻣﯿﮟ ﺗﻮﺑﯿﭩﮯ ﮐﯽ ﭘﺮﯾﺸﺎﻧﯽ ﮐﺎ ﺧﯿﺎﻝ ﮐﺮﻭﻧﮕﯽ،ﻣﺎﮞ ﮨﻮﮞ ﻧﺎﮞ۔ﺍٓﭖ ﻧﮩﯿﮟ ﺟﺎﻧﺘﮯ ﻣﺎﮞ ﮐﺎ ﺩﻝ ﮐﯿﺴﺎ ﮨﻮﺗﺎ ﮨﮯ؟ ‘‘ ﻣﯿﮟ ﺧﺎﻣﻮﺵ ﺭﮨﺎ ﻣﮕﺮﺩﻝ ﻣﯿﮟ ﮐﮩﺎ۔ﮐﯿﺴﮯ ﻧﮩﯿﮟ ﺟﺎﻧﺘﺎ ﻣﺎﮞ ﮐﮯ ﺩﻝ ﮐﻮ ! ﭘﭽﭙﻦ ﺳﺎﻝ ﺍﺳﯽ ﺩﻝ ﺳﮯ ﻧﮑﻠﻨﮯ ﻭﺍﻟﮯ ﻧﻮﺭ ﺳﮯ ﺷﺮﺍﺑﻮﺭ ﮨﻮﺗﺎ ﺭﮨﺎ ﮨﻮﮞ۔ ﺍُﺳﯽ ﭼﺸﻤﮧﺀ ﺭﺣﻤﺖ ﺳﮯ ﺳﯿﺮﺍﺏ ﮨﻮﺗﺎ ﺭﮨﺎ ﺍﻭﺭ ﺍﺳﯽ ﺩﻝ ﺳﮯ ﺍﭨﮭﻨﮯ ﻭﺍﻟﯽ ﻣﺤﺒﺖ ﮐﯽ ﮔﮭﭩﺎﻭٔﮞ ﻣﯿﮟ ﺑﮭﯿﮕﺘﺎﺭﮨﺎ ﮨﻮﮞ، ﺍﺳﯽ ﺩﻝ ﺳﮯ ﻧﮑﻠﻨﮯ ﻭﺍﻟﯽ ﺩﻋﺎﻭٔﮞ ﮐﯽ ﭼﮭﺎﻭٔﮞ ﻣﯿﮟ ﺭﮦ ﮐﺮ ﺗﻮ ﺑﮍﮮ ﺑﮍﮮ ﻧﺎﺳﻮﺭﻭﮞ ﺳﮯ ﻟﮍﺗﺎ ﺍﻭﺭﭘﮩﺎﮌﻭﮞ ﺳﮯ ﭨﮑﺮﺍﺗﺎﺭﮨﺎ ﮨﻮﮞ۔
ﮐﯿﺴﮯ ﻧﮩﯿﮟ ﺟﺎﻧﺘﺎ ﻣﺎﮞ ﮐﮯ ﺩﻝ ﮐﻮ۔ ﻣﯿﮟ ﻧﮯ ﮐﮩﺎ ’’ ﭨﮭﯿﮏ ﮨﮯ ﺍٓﭖ ﮐﮯ ﮐﮩﻨﮯ ﭘﺮ ﻣﯿﮟ ﺍٓﭘﮑﮯ ﺑﯿﭩﮯ ﮐﻮ ﭘﮭﺮ ﻻﮨﻮﺭ ﺑﮭﯿﺞ ﺩﻭﻧﮕﺎ ‘‘ ۔ ﺍﯾﮏ ﺑﯿﭩﮯ ﮐﯽ ﻣﺎﮞ ﭼﻠﯽ ﮔﺌﯿﮟ ﻣﮕﺮ ﻣﺎﮞ ﮐﮯ ﺩﻝ ﮐﺎ ﺫﮐﺮ ﺳﻨﮑﺮ ﺍﯾﮏ ﺍﻭﺭ ﺑﯿﭩﺎ ﻣﺤﺒﺘﻮﮞ ﺍﻭﺭ ﺭﺣﻤﺘﻮﮞ ﺳﮯ ﺑﮭﺮﭘﻮﺭ ﺩﻝ ﮐﯽ ﮐﯽ ﺍٓﻏﻮﺵ ﻣﯿﮟ ﺍﺗﺮ ﮔﯿﺎ ﺟﻠﺪ ﮨﯽ ﻣﺠﮭﮯ ﺍﻣﯽ ﺟﺎﻥ ﮐﯽ ﺳﮩﺎﻧﯽ ﯾﺎﺩﻭﮞ ﺍﻭﺭ ﺍﭘﻨﮯ ﮔﮭﺮ ﮐﮯ ﺳﺤﺮ ﺍﻧﮕﯿﺰ ﻣﺎﺣﻮﻝ ﻧﮯ ﺟﮑﮍ ﻟﯿﺎ۔ ﻭﮦ ﮔﮭﺮ ﺟﻮ ﮐﺒﮭﯽ ﺭﻭﻧﻘﻮﮞ ﺍﻭﺭ ﺧﻮﺷﯿﻮﮞ ﮐﺎ ﮔﮩﻮﺍﺭﮦ ﺍﻭﺭ ﺍٓﺱ ﭘﺎﺱ ﮐﯽ ﺗﻤﺎﻡ ﺑﺴﺘﯿﻮﮞ ﮐﮯ ﻟﯿﮯ ﻗﺎﺑﻞِ ﺭﺷﮏ ﺗﮭﺎ ﺍﯾﮏ ﻧﻮﺭﺍﻧﯽ ﻭﺟﻮﺩ ﮐﮯ ﺍُﭨﮫ ﺟﺎﻧﮯ ﺳﮯ ﻭﯾﺮﺍﻧﯽ ﮐﯽ ﺗﺼﻮﯾﺮ ﺑﻦ ﮔﯿﺎﮨﮯ۔ ﺳﺎﻝ ﻣﯿﮟ ﺍﯾﮏ ﺩﻥ ﺍﻣﯽ ﺟﺎﻥ ﮐﮯ ﺑﯿﭩﮯ ﺑﯿﭩﯿﺎﮞ ﺍﻭﺭ ﺍﻥ ﮐﮯ ﺑﯿﭩﮯ ﺑﯿﭩﯿﺎﮞ ﺍﮐﭩﮭﮯ ﮨﻮﺗﮯ ﮨﯿﮟ ﺍﻭﺭ ﺍﻥ ﮐﮯ ﻟﯿﮯ ﺩﻋﺎ ﮐﺮﺗﮯ ﮨﯿﮟ ﺍﻭﺭ ﺧﺎﻣﻮﺷﯽ ﺳﮯ ﺍﭘﻨﮯ ﺍﭘﻨﮯ ﮔﮭﺮﻭﮞ ﮐﻮ ﺳﺪﮬﺎﺭ ﺟﺎﺗﮯ ﮨﯿﮟ۔ ﺍُﻧﮑﮯ ﮨﻮﺗﮯ ﮨﻮﺋﮯ ﺟﯽ ﭨﯽ ﺭﻭﮈ ﺳﮯ ﮔﺰﺭﺗﮯ ﮨﻮﺋﮯ ﮔﺎﮌﯼ ﺧﻮﺩ ﺑﺨﻮﺩ ﮔﺎﻭٔﮞ ﮐﯿﻄﺮﻑ ﻣﮍﺟﺎﺗﯽ ﺗﮭﯽ۔ﮔﺎﻭٔﮞ ﭘﮩﻨﭽﻨﮯ ﮐﮯ ﻟﯿﮯ ﺩﻝ ﻣﭽﻠﺘﺎ ﺗﮭﺎﺍﻭﺭﺍٓﺩﮬﯽ ﺭﺍﺕ ﮐﻮ ﺑﮭﯽ ﭘﮩﻨﭽﻨﺎ ﭘﮍﮮ ﺗﻮ ﺑﮭﯽ ﭘﮩﻨﭻ ﺟﺎﺗﺎ ﺗﮭﺎ ﻣﮕﺮﺍﺏ ﻣﮩﯿﻨﻮﮞ ﮔﺰﺭ ﺟﺎﺗﮯ ﮨﯿﮟ، ﺩﺭﺟﻨﻮﮞﺒﺎﺭﺟﯽ ﭨﯽ ﺭﻭﮈﺳﮯ ﮔﺰﺭﺟﺎﺗﺎﮨﻮﮞﻤﮕﺮ ﮔﺎﮌﯼ ﻣﻮﮌﻧﮯ ﮐﮯ ﺑﺠﺎﺋﮯ ﺻﺮﻑ ﺩﻋﺎ ﮐﮯ ﻟﯿﮯ ﮨﺎﺗﮫ ﺍُﭨﮭﺘﮯ ﮨﯿﮟ۔
ﭘﭽﮭﻠﮯ ﺩﻧﻮﮞ ﺍﭼﺎﻧﮏ ﮔﮭﺮ ﭼﻼ ﮔﯿﺎ ﺗﻮ ﻭﺍﻟﺪﮦ ﺻﺎﺣﺒﮧ ﮐﯽ ﺧﺎﺩﻣﮧ ﺑﮩﻦ ﺭﺷﯿﺪﮦ ﺍٓﮔﺌﯿﮟ۔ ﺭﻭﻧﻘﻮﮞ ﺳﮯ ﺑﮭﺮﭘﻮﺭﮔﮭﺮ ﮐﯽ ﻭﯾﺮﺍﻧﯽ ﺩﯾﮑﮫ ﮐﺮ ﺭﻭ ﭘﮍﯾﮟ،ﺻﺤﻦ ﻣﯿﮟ ﮐﮭﮍﮮ ﮨﻮﮐﺮﻣﺠﮭﮯ ﺑﺘﺎﻧﮯ ﻟﮕﯿﮟ ﮐﺌﯽ ﻭﺍﻗﻌﺎﺕ ﺗﻮ ﺍٓﭘﮑﮯ ﻋﻠﻢ ﻣﯿﮟ ﺑﮭﯽ ﻧﮩﯿﮟ ﮨﯿﮟ۔ ﺍﯾﮏ ﺩﻥ ﺳﺨﺖ ﺳﺮﺩﯼ ﮐﺎ ﻣﻮﺳﻢ ﺗﮭﺎ ﺍٓﭘﮑﮯ ﺍٓﻧﮯ ﮐﯽ ﺍﻃﻼﻉ ﻣﻠﯽ ﺗﻮ ﺑﯽ ﺑﯽ ﺟﯽ ﻣﻐﺮﺏ ﮐﯽ ﻧﻤﺎﺯ ﭘﮍﮬﺘﮯ ﮨﯽ ﺍﺱ ﮔﯿﭧ ﮐﮯ ﭘﺎﺱ ﮐﺮﺳﯽ ﭘﺮ ﺑﯿﭩﮫ ﮔﺌﯿﮟ۔ ﮨﻢ ﻧﮯ ﺑﮩﺖ ﮐﻮﺷﺶ ﮐﯽ ﮐﮧ ﮐﻤﺮﮮ ﻣﯿﮟ ﺍٓﺟﺎﺋﯿﮟ ﻣﮕﺮ ﻭﮦ ﻧﮧ ﻣﺎﻧﯿﮟ ﺍﻭﺭ ﯾﮩﯽ ﮐﮩﺘﯽ ﺭﮨﯿﮟ۔ ’’ ﻣﯿﺮﺍ ﺑﯿﭩﺎ ﺍٓﺭﮨﺎ ﮨﮯ ﺍﻭﺭ ﻣﯿﮟ ﺑﺴﺘﺮ ﭘﺮ ﻟﯿﭩﯽ ﺭﮨﻮﮞ ۔ ﯾﮧ ﮐﯿﺴﮯ ﮨﻮﺳﮑﺘﺎ ﮨﮯ ﻣﯿﮟ ﺍﭘﻨﮯ ﺑﯿﭩﮯ ﮐﻮ ﮔﯿﭧ ﭘﺮﺟﺎﮐﺮﻣﻠﻮﻧﮕﯽ ‘‘ ۔ﺍٓﭖ ﻧﮧ ﺍٓﺋﮯ۔ ﺳﺮﺩﯼ ﺑﮍﮬﺘﯽ ﮔﺌﯽ ﻭﮦ ﮔﯿﭧ ﺳﮯ ﻧﮧ ﺍُﭨﮭﯿﮟ ﺍﻭﺭ ﺍﻧﮭﯿﮟ ﻧﻤﻮﻧﯿﮯ ﮐﺎ ﺑﺨﺎﺭ ﮨﻮﮔﯿﺎ ﺍﻭﺭ ﮐﺌﯽ ﺩﻥ ﺑﺴﺘﺮ ﺳﮯ ﻧﮧ ﺍُﭨﮫ ﺳﮑﯿﮟ ﻟﯿﮑﻦ ﺍﺱ ﺣﺎﻟﺖ ﻣﯿﮟ ﺑﮭﯽ ﺑﺎﺭ ﺑﺎﺭ ﯾﮩﯽ ﺗﺎﮐﯿﺪ ﮐﺮﺗﯽ ﺗﮭﯿﮟ ﮐﮧ ’’ ﺫﻭﺍﻟﻔﻘﺎﺭ ﮐﻮ ﭘﺘﮧ ﻧﮧ ﭼﻠﮯ۔۔ ﭘﺮﯾﺸﺎﻥ ﮨﻮﮔﺎ ‘‘ ۔
’’ ﭘﮭﺮ ﺍﯾﮏ ﺑﺎﺭ ﺭﺍﺕ ﮔﺌﮯ ﺍٓﭖ ﺍﻭﺭ ﮈﺍﮐﭩﺮ ﺻﺎﺣﺐ ( ﻣﯿﺮﮮ ﺑﮭﺎﺋﯽ ﮈﺍﮐﭩﺮ ﻧﺜﺎﺭ ﺍﺣﻤﺪ ) ﺍٓﮔﺌﮯ ۔ ﺑﺎﮨﺮ ﮐﺎ ﺩﺭﻭﺍﺯﮦ ﮐﮭﻼ، ﺍٓﭖ ﺩﻭﻧﻮﮞﮏ ﯼ ﺍٓﻭﺍﺯ ﺳﻨﮑﺮ ﺑﯽ ﺑﯽ ﺟﯽ ﺍﯾﮏ ﺩﻡ ﺍُﭨﮫ ﮔﺌﯿﮟ ﺍﻭﺭ ﺑﺴﻢ ﺍﷲ ﮐﮩﮧ ﮐﺮ ﺗﯿﺰﯼ ﺳﮯ ﺩﺭﻭﺍﺯﮮ ﮐﯿﻄﺮﻑ ﺑﮍﮬﯿﮟ ﺗﻮ ﮐﺮﺳﯽ ﮐﮯ ﭘﺎﺋﮯ ﮐﯽ ﻧﻮﮎ ﺳﮯ ﺍُﻧﮑﺎ ﮔﮭﭩﻨﺎ ﺯﺧﻤﯽ ﮨﻮﮔﯿﺎ۔ ﺧﻮﻥ ﺭﺳﻨﮯ ﻟﮕﺎ، ﺷﺪﯾﺪ ﺩﺭﺩ ﺳﮯ ﮐﺮﺍﮨﺘﯽ ﺭﮨﯿﮟ ﻣﮕﺮ ﺍﻧﮭﻮﮞ ﻧﮯ ﺍٓﭖ ﮐﻮ ﻧﮩﯿﮟ ﺑﺘﺎﯾﺎ ﮐﮧ ﺍٓﭖ ﭘﺮﯾﺸﺎﻥ ﻧﮧ ﮨﻮﮞ، ﭘﮭﺮ ﺍﯾﮏ ﺭﻭﺯﺍٓﭖ ﮐﮯ ﺍٓﻧﮯ ﮐﺎ ﺍﻧﺘﻈﺎﺭ ﺗﮭﺎ ﺗﻮ ﺍﻧﮭﻮﮞ ﻧﮯ ﮐﮭﺎﻧﺎ ﻧﮩﯿﮟ ﮐﮭﺎﯾﺎ ﮐﮧ ﻣﯿﺮﺍ ﺑﯿﭩﺎ ﺍٓﺋﯿﮕﺎ ﺗﻮ ﻣﻠﮑﺮ ﮐﮭﺎﺋﯿﮟ ﮔﮯ۔ ﺍٓﭖ ﺩﻭ ﺩﻥ ﻧﮩﯿﮟ ﺍٓﺋﮯ ﺍﻭﺭ ﺍﻧﮭﻮﮞ ﻧﮯ ﺩﻭ ﺩﻥ ﮐﭽﮫ ﻧﮩﯿﮟ ﮐﮭﺎﯾﺎ۔ ’’ ﺍﺏ ﻣﺰﯾﺪ ﺳﻨﻨﮯ ﮐﯽ ﺗﺎﺏ ﻧﮧ ﺗﮭﯽ۔
ﺍﺏ ﺑﮭﯽ ﮐﺒﮭﯽ ﮐﺒﮭﺎﺭ ﺍﯾﺴﺎ ﮨﻮﺗﺎ ﮨﮯ ﮐﮧ ﮔﺎﻭٔﮞ ﺟﺎﮐﺮﮔﮭﺮ ﮐﺎ ﮔﯿﭧ ﺍٓﮨﺴﺘﮧ ﺳﮯ ﮐﮭﻮﻟﺘﺎ ﮨﻮﮞ ﮐﮧ ﺷﺎﯾﺪ ﮔﯿﭧ ﮐﮯ ﺳﺎﺗﮫ ﮐﻮﺋﯽ ﮐﺮﺳﯽ ﺑﮭﯽ ﮨﻮ۔ ﭘﮭﺮ ﺍﻥ ﮐﮯ ﮐﻤﺮﮮ ﮐﮯ ﭘﺎﺱ ﺳﮯ ﺍٓﮨﺴﺘﮧ ﺳﮯ ﮔﺰﺭﺗﺎ ﮨﻮﮞ ﮐﮧ ﺷﺎﯾﺪ ﺍﻧﺪﺭ ﺳﮯ ﺑﺴﻢ ﺍﷲﮐﯽ ﺍٓﻭﺍﺯ ﺍٓﺟﺎﺋﮯ ﻣﮕﺮ ﮐﺌﯽ ﺳﺎﻝ ﺑﯿﺖ ﮔﺌﮯ ﮨﯿﮟ، ﻧﮧ ﮔﯿﭧ ﮐﮯ ﺳﺎﺗﮫ ﮐﻮﺋﯽ ﮐﺮﺳﯽ ﻧﻈﺮ ﺍٓﺋﯽ ، ﻧﮧ ﮐﻤﺮﮮ ﺳﮯ ﺑﺴﻢ ﺍﷲ ﮐﯽ ﺍٓﻭﺍﺯ ﺍٓﺋﯽ ﮨﮯ۔ ﺍﺏ ﮔﯿﭧ ﮐﮯ ﺳﺎﺗﮫ ﮐﺒﮭﯽ ﮐﻮﺋﯽ ﮐﺮﺳﯽ ﭘﺮ ﺑﯿﭩﮫ ﮐﺮ ﺍﻧﺘﻈﺎﺭ ﻧﮩﯿﮟ ﮐﺮﯾﮕﺎ، ﺍﺏ ﮐﻮﺋﯽ ﺑﺴﻢ ﺍﷲﮐﮩﮧ ﮐﺮﺩﺭﻭﺍﺯﮮ ﮐﯿﻄﺮﻑ ﻧﮩﯿﮟ ﻟﭙﮑﮯ ﮔﺎ۔
ﻣﯿﮟ ﻧﮯ ﺍﯾﮏ ﻣﺎﮞ ﺳﮯ ﺍﭘﻨﺎ ﻭﻋﺪﮦ ﭘﻮﺭﺍ ﮐﺮﻧﮯ ﭘﺮ ﺍﺻﺮﺍﺭ ﮐﯿﺎ،ﺟﺲ ﭘﺮ ﻣﺠﮭﮯ ﻧﺪﺍﻣﺖ ﮨﻮﺋﯽ۔ ﻣﺎﻭٔﮞ ﭘﺮ ﮐﻮﻥ ﭘﺎﺑﻨﺪﯾﺎﮞ ﻟﮕﺎ ﺳﮑﺘﺎ ﮨﮯ۔ ﻣﺎﮞ ﮐﮯ ﺩﻝ ﮐﻮ ﺍﺻﻮﻟﻮﮞ ﺍﻭﺭ ﻗﺎﻧﻮﻥ ﮐﯽ ﺯﻧﺠﯿﺮﮐﻮﻥ ﭘﮩﻨﺎ ﺳﮑﺘﺎ ﮨﮯ ! ﻣﺎﮞ ﮐﮯ ﻟﯿﮯ ﺗﻮ ﮐﺎﺋﻨﺎﺗﻮﮞ ﮐﮯ ﺧﺎﻟﻖ ﻧﮯ ﺳﺐ ﺿﺎﺑﻄﮯ ﺍﻭﺭ ﻗﺎﻧﻮﻥ ﺑﺪﻝ ﺩﯾﮯ ۔ ﺍﺱ ﻧﮯ ﻣﺎﮞ ﮐﻮ ﺍﺗﻨﯽ ﻋﻈﻤﺖ ﻋﻄﺎ ﮐﯽ ﮐﮧ ﺟﻨّﺖ ﮐﻮ ﺍٓﺳﻤﺎﻧﻮﮞ ﮐﯽ ﺭﻓﻌﺘﻮﮞ ﺳﮯ ﺍﺗﺎﺭﮐﺮ ﻣﺎﮞ ﮐﮯ ﻗﺪﻣﻮﮞ ﻣﯿﮟ ﺭﮐﮫ ﺩﯾﺎ۔ ﺧﺎﻟﻖ ﻧﮯ ﻧﻈﺮﻭﮞ ﮐﻮ ﺧﯿﺮﮦ ﮐﺮﺩﯾﻨﮯ ﻭﺍﻟﮯ ﺑﯿﺸﻤﺎﺭﻣﻌﺠﺰﺍﺕ ﺗﺨﻠﯿﻖ ﮐﯿﮯ ﮨﯿﮟ ﻣﮕﺮ ﺍﺱ ﮐﯽ ﺳﺐ ﺳﮯ ﺷﺎﮨﮑﺎﺭ ﺗﺨﻠﯿﻖ۔ ﻣﺎﮞ ﮐﺎ ﺩﻝ ﮨﮯ۔
ﺟﺴﮑﯽ ﺗﻤﺎﻡ ﮐﺎﺋﻨﺎﺗﻮﮞ ﻣﯿﮟ ﮐﻮﺋﯽ ﻣﺜﺎﻝ ﻧﮩﯿﮟ، ﻣﻌﺮﻭﻑ ﺷﺎﻋﺮ ﭘﺮﻭﻓﯿﺴﺮﺍﻧﻮﺭ ﻣﺴﻌﻮﺩ ﺟﮩﺎﮞ ﺟﺎﺗﮯ ﮨﯿﮟ ﺍﭘﻨﯽ ﻣﺰﺍﺣﯿﮧ ﻧﻈﻤﻮﮞ ﺳﮯ ﺳﺎﻣﻌﯿﻦ ﮐﻮ ﮨﻨﺴﺎﺗﮯ ﮨﯿﮟ ﺍﻭﺭ ﺍٓﺧﺮ ﻣﯿﮟ ﺟﺐ ﺣﺎ ﺿﺮﯾﻦ ﮐﯽ ﻓﺮﻣﺎﺋﺶ ﭘﺮ ’’ ﺍﻣﺒﮍﯼ ‘‘ ﺳﻨﺎﺗﮯ ﮨﯿﮟ ﺗﻮ ﮨﺮ ﺷﺨﺺ ﮐﯽ ﺍٓﻧﮑﮭﯿﮟ ﻧﻤﻨﺎﮎ ﮨﻮﺟﺎﺗﯽ ﮨﯿﮟ۔ ﻧﻈﻢ ﮐﺎ ﺗﮭﯿﻢ ﮨﮯ ﮐﮧ ﮔﺎﻭٔﮞ ﮐﺎ ﺍﯾﮏ ﭨﯿﻦ ﺍﯾﺠﺮ ﺍﮐﺮﻡ ﺻﺒﺢ ﮐﺴﯽ ﺑﺎﺕ ﭘﺮ ﺍﭘﻨﯽ ﻣﺎﮞ ﺳﮯ ﻟﮍ ﭘﮍﺗﺎ ﮨﮯ، ﻭﮦ ﺑﺪﺑﺨﺖ ﻣﺎﮞ ﮐﻮ ﻟﮑﮍﯼ ﺍﭨﮭﺎ ﮐﺮ ﻣﺎﺭ ﺗﺎﮨﮯ ﺟﺲ ﺳﮯ ﻣﺎﮞ ﮐﺎﮨﺎﺗﮫ ﺯﺧﻤﯽ ﮨﻮﺟﺎﺗﺎ ﮨﮯ۔ ﺑﯿﭩﺎ ﻧﺎﺭﺍﺽ ﮨﻮﮐﺮ ﺍﺳﮑﻮﻝ ﭼﻼ ﺟﺎﺗﺎ ﮨﮯ، ﻣﺎﮞ ﺯﺧﻤﯽ ﮨﺎﺗﮫ ﭘﺮ ﭘﭩﯽ ﺑﺎﻧﺪﮪ ﮐﺮ ﻓﻮﺭﯼ ﻃﻮﺭ ﭘﺮ ﺍُﺳﯽ ﺍﮐﺮﻣﮯ ﮐﮯ ﻟﯿﮯ ﭘﺮﺍﭨﮭﮯ ﺑﻨﺎﺗﯽ ﮨﮯ ﺍﻭﺭ ﭘﺮﯾﺸﺎﻥ ﮨﻮﮐﺮ ﺍﺩﮬﺮ ﺍُﺩﮬﺮ ﺩﯾﮑﮭﺘﯽ ﮨﮯ ، ﭘﮭﺮ ﺍﮐﺮﻣﮯ ﮐﺎ ﺍﯾﮏ ﮐﻼﺱ ﻓﯿﻠﻮ ﺑﺸﯿﺮﺍ ﻣﻞ ﺟﺎﺗﺎ ﮨﮯ ﺗﻮ ﺍﺱ ﮐﮯ ﮨﺎﺗﮫ ﺍﮐﺮﻡ ﮐﯽ ﺭﻭﭨﯽ ﺑﮭﯿﺠﺘﯽ ﮨﮯ ﺍﻭﺭ ﺗﺎﮐﯿﺪ ﮐﺮﺗﯽ ﮨﮯ ﺟﻠﺪﯼ ﺟﺎ ﮐﺮ ﻣﯿﺮﮮ ﺍﮐﺮﻣﮯ ﮐﻮﭘﮩﻨﭽﺎﻭٔ۔ ﻣﯿﺮﺍ ﺑﯿﭩﺎ ﺍٓﺝ ﺑﮭﻮﮐﺎ ﮨﯽ ﺍﺳﮑﻮﻝ ﭼﻼ ﮔﯿﺎ ﮨﮯ۔ ﺟﺲ ﻧﮯ ﻣﺎﮞ ﮐﻮ ﻣﺎﺭﺍ ﮨﮯ ﺍُﺳﯽ ﺑﺪﺑﺨﺖ ﺑﯿﭩﮯ ﮐﮯ ﻟﯿﮯ ﻣﺎﮞ ﮐﺎ ﺩﻝ ﺗﮍﭖ ﺭﮨﺎ ﮨﮯ ﮐﮧ ﺑﮯ ﭼﺎﺭﮦ ﺭﻭﭨﯽ ﮐﮭﺎﺋﮯ ﺑﻐﯿﺮ ﭼﻼ ﮔﯿﺎ ﮨﮯ۔ﮐﻮﺋﯽ ﺍﺱ ﺳﮯ ﭘﻮﭼﮭﺘﺎ ﺗﻮ ﻭﮦ ﺑﮭﯽ ﯾﮩﯽ ﮐﮩﺘﯽ ’’ ﻣﺎﮞ ﮨﻮﮞ ﻧﺎﮞ ‘‘
ﺗﻤﺎﻡ ﻋﻠﻤﺎﺀ ﻣﺘﻔﻖ ﮨﯿﮟ ﮐﮧ ﻣﺎﮞ ﮐﮯ ﺳﺎﺗﮫ ﮔﺴﺘﺎﺧﯽ ﮐﺮﻧﺎ ﺍﻭﺭ ﺍﺱ ﮐﺎ ﺩﻝ ﺗﻮﮌﻧﺎ ﮔﻨﺎﮦِ ﮐﺒﯿﺮﮦ ﮨﮯ ﺟﺴﮑﯽ ﺳﺨﺖ ﺗﺮﯾﻦ ﺳﺰﺍ ﻣﻘﺮﺭ ﮨﮯ، ﺟﻦ ﺧﻮﺵ ﻗﺴﻤﺖ ﺧﻮﺍﺗﯿﻦ ﻭ ﺣﻀﺮﺍﺕ ﮐﻮ ﻣﺎﮞ ﮐﺎ ﺳﺎﯾﮧ ﻣﯿّﺴﺮﮨﮯ ﺍﻧﮭﯿﮟ ﭼﺎﮨﯿﮯ ﮐﮧ ﺍﺱ ﮐﺎ ﻓﺎﺋﺪﮦ ﺍﭨﮭﺎﺋﯿﮟ ﺯﯾﺎﺩﮦ ﺳﮯ ﺯﯾﺎﺩﮦ ﺍﻥ ﮐﮯ ﻗﺪﻣﻮﮞ ﻣﯿﮟ ﺑﯿﭩﮭﯿﮟ۔ ﺍﻥ ﮐﮯ ﺍٓﺭﺍﻡ ﺍﻭﺭ ﺧﻮﺷﯿﻮﮞ ﮐﺎ ﺧﯿﺎﻝ ﺭﮐﮭﯿﮟ ﺍﻥ ﮐﺎ ﮐﺒﮭﯽ ﺩﻝ ﻧﮧ ﺩﮐﮭﺎﺋﯿﮟ، ﺍﻥ ﮐﯽ ﺧﺪﻣﺖ ﮐﺮﮐﮯ ﻧﯿﮑﯿﻮﮞ ﺳﮯ ﺩﺍﻣﻦ ﺑﮭﺮﻟﯿﮟ۔ﺍٓﭖ ﺍﭘﻨﯽ ﻭﺍﻟﺪﮦ ﺧﺪﻣﺖ ﮐﺮﯾﮟ ﮔﮯ ﺗﻮ ﻧﮧ ﺻﺮﻑ ﻭﮦ ﺧﻮﺵ ﮨﻮﻧﮕﮯ ﺑﻠﮑﮧ ﺗﻤﺎﻡ ﺟﮩﺎﻧﻮﮞ ﮐﺎ ﻣﺎﻟﮏ ﺑﮭﯽ ﺍٓﭖ ﺳﮯ ﺧﻮﺵ ھو گا۔۔۔